Vesh, hundë, fyt · Prishtinë

Mjek ORL në Prishtinë – Kur dhe si të vizitoni specialistin e veshit, hundës dhe fytit

Kjo faqe është për pacientët: cilat simptoma kërkojnë mjek ORL, çfarë ndodh në vizitën e parë dhe çfarë të sillni me vete. Mjeku ORL në Prishtinë ju pret te pika e dytë e RINO Clinic, Kompleksi Linda Premium Residence, rruga Behar Begolli, me termin paraprak.

Cakto një termin +383 44 700 125
  • 1vizitë për diagnozënkontrolli dhe testet e dëgjimit në të njëjtin termin
  • 0rekomandime të nevojshmeterminin e caktoni direkt
  • 2lokacionePrishtinë dhe Ferizaj, i njëjti numër

Kur duhet të vizitoni mjekun ORL

Disa ankesa kalojnë vetë brenda pak ditësh. Kur përsëriten, zgjaten ose përkeqësohen, është koha për specialistin.

Veshi dhe dëgjimi

Dhimbje veshi ose ndjesi bllokimi më shumë se disa ditë, rrjedhje nga veshi, rënie e dëgjimit edhe e lehtë, zhurmë e vazhdueshme në vesh, marramendje ose humbje ekuilibri.

Hunda dhe sinuset

Hundë e bllokuar vazhdimisht ose vetëm nga njëra anë, sinusite që përsëriten, gjakderdhje të shpeshta nga hunda, humbje e nuhatjes, dhimbje koke përreth syve dhe faqeve.

Fyti dhe zëri

Dhimbje fyti të përsëritura, bajame që pezmatohen shpesh, ngjirje e zërit që zgjat më shumë se dy javë, vështirësi në gëlltitje, gërhitje me ndërprerje të frymëmarrjes gjatë gjumit.

Fëmijët

Infeksione të përsëritura të veshit, frymëmarrje me gojë dhe gërhitje, gjumë i shqetësuar, vonesë në të folur ose dyshim se fëmija nuk dëgjon mirë.

Para një ndërhyrjeje estetike

Nëse mendoni për otoplastikë ose rinoplastikë, konsulta me mjekun ORL vlerëson edhe funksionin e hundës dhe të veshit, jo vetëm pamjen.

Urgjencat

Gjakderdhje që nuk ndalet, vështirësi e rëndë në frymëmarrje, humbje e papritur e dëgjimit ose trup i huaj në rrugët e frymëmarrjes: drejtohuni menjëherë te urgjenca më e afërt, mos prisni terminin.

Si zhvillohet vizita te mjeku ORL në Prishtinë

  1. Biseda

    Mjeku pyet për ankesat, kur filluan, çfarë i përkeqëson dhe për historinë tuaj mjekësore.

  2. Ekzaminimi

    Veshi shihet me otomikroskop, hunda dhe fyti me endoskop. Nëse dyshohet për problem dëgjimi, audiometria dhe timpanometria bëhen aty për aty.

  3. Diagnoza dhe plani

    Ju shpjegohet çfarë u gjet, në gjuhë të kuptueshme, dhe merrni planin: trajtim, kontroll i mëtejshëm ose, kur nevojitet, ndërhyrje.

Sillni me vete raportet e mëparshme, rezultatet e testeve dhe listën e barnave që përdorni. Fëmija le të vijë i pushuar, ekzaminimi bëhet më lehtë.

Pyetje që na bëjnë shpesh

A pranon mjeku ORL në Prishtinë edhe fëmijë?

Po. ORL pediatrike është pjesë e punës së përditshme: infeksionet e veshit, bajamet dhe adenoidet, skriningu i dëgjimit te foshnjat dhe fëmijët. Ekzaminimi përshtatet me moshën.

A bëhen testet e dëgjimit në të njëjtën vizitë?

Po, kur mjeku i gjykon të nevojshme: audiometria, timpanometria dhe emisionet otoakustike kryhen në klinikë, pa termin të veçantë, dhe rezultati shpjegohet menjëherë.

Si e caktoj terminin te mjeku ORL në Prishtinë?

Me telefon, WhatsApp ose Viber në +383 44 700 125, ose me formularin online te faqja e kontaktit. Ju kthejmë përgjigje me ditën dhe orën, në Prishtinë ose në Ferizaj, si t'ju përshtatet.

Faqe të lidhura

Klinikë ORL në Prishtinë Otorinolaringolog në Prishtinë ORL pediatrike Vesh, Hundë, Fyt Dëgjimi Vlerësimi i dëgjimit Mjek për Vesh Mjek për Hundë Mjek për Fyt

Cakto termin te mjeku ORL në Prishtinë

Për vesh, hundë, fyt, dëgjim ose marramendje. Ju konfirmojmë terminin brenda orarit të punës.

Cakto një termin +383 44 700 125